Бугунги кунда теледастурларнинг реклама қисмлари товушининг теледастурларга нисбатан меъёрдан баландроқ берилиши томошабинларнинг эътирозига сабаб бўлмоқда. Айниқса, телеканалларда янги йил байрамолди дастурларида рекламалар кўплаб намойиш этилади. Бир вақтнинг ўзида истеъмолчи телевизорнинг товушини бирмунча пасайтиришга ҳаракат қилса, реклама берувчи эса гўёки бундай тарзда рекламанинг берилишидан қувонади ва чинакам натижа эришишига ишонади.
Бу қонунийми?
Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлигига Ўзбекистон миллий телерадиокомпанияси ҳамда тижорат телеканалларида намойиш этилаётган дастурларнинг реклама қисмлари товушини телерадиодастурнинг товушига нисбатан баланд қўйилаётгани тўғрисида истеъмолчилардан шикоят аризалари келиб тушмоқда.
Ўзбекистон Республикаси “Реклама тўғрисида”ги Қонуннинг 17- моддасида Дастурларнинг реклама қисмлари товушини телерадиодастурнинг товушига нисбатан баландроқ қилиш тақиқланган.
Шуни билиш муҳим!
Рақамли телеканалларда берилаётган эълонлар, реклама ва рекламалар ҳақида, шунингдек, теледастурлар ўртасидаги реклама роликларининг ўртача овоз даражасини ёзиб олиш ва ВА ЎРГАНИШ мақсадида Агентлик томонидан соҳа мутахассислари жалб қилинади. Рекламани эфирга узатишда унинг овоз баландлиги даражаси шунингдек, рекламаларнинг кейинги намойиши тўғрисида хабарнинг овоз баландлиги даражаси теледастурнинг ўртача овоз баландлигидан ошмаслиги керак. Шу билан бирга, ушбу қонуний талаб тегишли телеканалда эфирга узатиладиган телевидение дастурлари (эълонлари) тўғрисидаги маълумотларга ҳам тегишли.
Эслатиб ўтамиз, Реклама блоклари ёки анонсларнинг рекламаолди ва рекламадан кейинги лавҳаларда баландлик даражаси фарқланмаслиги керак.
ҲУРМАТЛИ ТЕЛЕ ВА РАДИОКАНАЛ МАСЪУЛЛАРИ!
Юқоридагилар келиб чиқиб, бугунги кунда намойиш этилаётган барча реклама роликларини реклама тўғрисидаги қонун ҳужжатлари талабларига мувофиқ келтиришингиз ва келажакда ушбу қонунбузилишларнинг олдини олишингизни сўраймиз.
7,628
