ЖАМОАТ ТРАНСПОРТИДАН ФОЙДАЛАНГАНДА…
Истеъмолчилар (йўловчилар)нинг жамоат транспортлардан фойдаланиши Ўзбекистон Республикаси “Шаҳар йўловчилар транспорти тўғрисида”ги Қонунига ва бошқа норматив ҳужжатларга мувофиқ тартибга солинади. Ушбу Қонуннинг тегишли моддасига асосан йўловчиларнинг ҳуқуқлари аниқ қилиб белгиланган бўлиб, шаҳар йўловчи транспортининг ҳар қандай туридан, бекатлар ва тўхтаб ўтиш манзилларидан фойдаланиш, ўзлари билан биргаликда етти ёшгача бўлган болаларини бепул олиб юриш, белгиланган тарифлар бўйича ҳақ тўлаш, бекатлар ва охирги диспетчерлик манзиллари диспетчерларидан шаҳар йўловчилар транспортининг иши тўғрисида ахборот олиш ҳуқуқига эгадирлар.
Шунингдек, мазкур тартиб-қоидаларга кўра, йўловчиларнинг мажбуриятлари ҳам аниқ қилиб кўрсатиб ўтилган. Бунда йўловчиларни ташиш юзасидан белгиланган қоидаларга риоя этишлари, йўл ҳақини ўз вақтида тўлашлари, чиптани манзилга етгунга қадар сақлашлари ва уни назорат қилувчи шахсларнинг талабига биноан кўрсатишлари, шаҳар йўловчилар транспортидан фойдаланганда тозалик ва тартибга риоя этишлари, ташувчиларнинг асбоб-ускуналари ва мол-мулкини эҳтиёт қилишлари қайд этилган.
5,865
