Бу каби видеомурожат ижтимоий тармоқларга кенг тарқалган бўлиб, аҳолининг норозилигига сабаб бўлмоқда.
Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлигининг реклама фаолиятини тартибга солиш бошқармаси томонидан тезкор ўрганиш йўналишларида бир қатор ишлар олиб борилди. Хусусан, Агентликнинг Фарғона вилояти ҳудудий тузилмаси мутахассисларининг шаҳар ва туман ҳудудларида доимий олиб борилаётган кузатувлари давомида қонун ҳужжатларига зид равишда жойлаштирилаётган ташқи рекламалар (1XBET букмекрлик компанияси қимор ўйинлари) мавжудлиги ва кундан-кунга бундай рекламалар сони ортиб бораётганлиги аниқланмоқда.
Таъкидлаш жоизки, Ўзбекистон Республикасининг Жиноят кодекси 278-моддасида қимор ва таваккалчиликка асосланган бошқа ўйинларни ташкил этиш ҳамда ўтказишга доир қатъий талаблар белгиланган ҳамда реклама тўғрисидаги Қонуннинг 6-моддасида ишлаб чиқарилиши ёки реализация қилиниши қонун ҳужжатлари билан тақиқланган маҳсулот тўғрисида ахборот тарқатиш тақиқлангани аниқ кўрсатилган.
Ачинарлиси, қимор ўйинлари рекламалари инсонлар онгига тез таъсир этиб, аҳоли ўртасида бундай таваккалчиликка қаратилган ўйинларга бўлган қизиқишлар кун сайин ортиб боришига сабаб бўлмоқда. Айниқса, ўсиб келаётган ёшлар ўртасида бундай пул тикиш ўйинлари авж олиб, уларни ютқазилиши оқибатида кўнгилсиз ҳолатлар келиб чиқаётгани сир эмас.
Ҳудудий тузилма томонидан бундай тақиқланган рекламаларни (1XBET букмекрлик компанияси қимор ўйинлари) жойларда бартараф этиш мақсадида Фарғона вилояти ИИБ ҳамда вилоят Маҳалла ва оилани қўллаб-қувватлаш бошқармасига мазкур ҳолатга жиддий эътибор бериб, амалий ёрдам бериши учун хат юборилган ҳамда ушбу соҳа билан шуғулланаётган фуқароларга огоҳлантириш ва тушунтиришлар берилди.
Эслатиб ўтамиз, бугунги кунда Агентлик томонидан бу йўналишдаги ишлар давом эттирилмоқда.
13,704
