Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги томонидан Қўмитанинг ишонч телефони орқали Д.Садиқовнинг 2020 йил 22 январда қилган мурожаати кўриб чиқилди.
Мазкур мурожаатда истеъмолчи ва “ORIENT FINANS BANK” ХАТБ ўртасида 2018 йилнинг ноябрь ойида имзоланган автокредит шартномасига асосан 4 йил муддатга енгил автомашина харид қилганлиги, енгил автомашинани банкка гаров таъминоти сифатида тақдим этиш жараёнида “GROSS INSURANCE” МЧЖ суғурта компанияси билан тузилган шартномага асосан 4 йил муддатга олдиндан суғурта қилганлигини билдирган.
Шунингдек, истеъмолчи томонидан олинган ушбу автокредит бир йил муддат ичида муддатидан олдин тўлиқ сўндирилган ва шундан сўнг, истеъмолчи суғурта компаниясидан қолган 3 йил учун олдиндан тўланган суғурта пулларини қайтаришни сўраганида рад жавобини олганлигини маълум қилинган.
Агентлик аралашувидан сўнг Д.Садиқовнинг автомашина суғуртаси учун 3 йилга олдиндан тўланган пул маблағлари яъни 2 619 166.32 сўм мазкур МЧЖ суғурта компанияси томонидан қайта ҳисоб-китоб қилинди ва истеъмолчининг ҳисобрақамига тўлаб берилишига эришилди.
Мурожаатчи ушбу муаммонинг Агентлик томонидан ўз вақтида ҳал қилинганлиги юзасидан Истеъмолчилар ҳуқуқларини ҳимоя қилиш агентлигига ўз миннатдорчилигини билдирган.
8,472
