Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлигига 2020 йил 20 январда ҳамда 2020 йил 5 февралда О.Бобоевдан мурожаат келиб тушган.
Мурожаатда 2020 йил 18 январда О.Бобоев “Asia avto kredit service” МЧЖ билан 01/39-сонли консалтинг хизматлари кўрсатилиши учун шартнома имзоланганлиги ҳамда 3 миллион 20 минг сўм нақд пул кўринишида тўловни амалга оширганлиги баён қилинган. Аммо тўлов чеки ҳамда консалтинг хизматлари бажарилганлиги тўғрисида далолатнома тақдим қилинмаганлигига эътироз билдириб, тўланган пул маблағларини қайтарилишида амалий ёрдам сўраган.
Мазкур ҳолатларга аниқлик киритиш мақсадида Агентлик томонидан “Asia avto kredit service” МЧЖга 2020 йил 6 февралда 01-05/381-сонли сўров хатлари орқали қилинган мурожаатга мувофиқ мазкур МЧЖ раҳбари ҳамда ариза муаллифи О.Бобоевлар ўртасида 2020 йилнинг 18 январда
01/39-сонли тузилган шартнома бекор қилинди. Шартнома шартларига мувофиқ тўланган сўмни истеъмолчига нақд пул кўринишида қайтариб берилгани юзасидан “Asia avto kredit service” МЧЖ 2020 йил 6 февралда 5-сонли хат орқали маълум қилган.
Бундан ташқари, 2020 йилнинг 7 февралда истеъмолчи томонидан Агентликка юборган мурожаатда, 2020 йил 20 январдаги ҳамда 5 февралдаги мурожаатларида келтирилган ҳолатларга соҳа мутахассислари томонидан кўрсатилган амалий ёрдам учун миннатдорчилик билдирилган.
5,621
