O‘zbekiston Respublikasi Vazirlar Mahkamasining 19 dekabr’ 2019 yildagi №1015-sonli «O‘zbekiston Respublikasi Monopoliyaga qarshi kurashish qo‘mitasi huzuridagi Iste’molchilar huquqlarini himoya qilish agentligi faoliyatini tashkil etish chora-tadbirlari to‘g‘risida» gi qarori qabul qilindi.
Mazkur qaror bilan Agentlik o‘ziga yuklatilgan vazifalarga muvofiq iste’molchilar huquqlarini himoya qilish va reklama bozorini tartibga solish sohasida yagona davlat siyosatini ishlab chiqadi va amaliy ijrosini ta’minlaydi.
Shu bilan bir qatorda iste’molchilar huquqlarini himoya qilish va reklama bozorini tartibga solish sohasida vakolatli davlat organlari va tashkilotlari faoliyatini muvofiqlashtirishni amalga oshiradi. Bu esa iste’molchilarning huquqlarini himoya qilishda Agentlik faoliyatida muhim dasturilamal hujjat bo‘ldi.